الحياة فن

مقالات متنوعة فى التنمية البشرية

للحياة بشكل أفضل         ....تعلم

&&&& الإيجابية &&&

لا تقل

............ظروفى حرمتنى

...........مشاكل لن أتحملها

.......... أحداث تعيقنى

.......... أخطاء لغيرى ادفع ثمنها

...........اخاف على احبائى

........... أمنع عنهم مالن يتحملوه

عفوا تحدث عن نفسك فقط وعن قدرتك التى بترت اقدامها واضعا ذاتك فى صندوق اسود معتم دون تهوية أو حتى عاكس ضوء... يعكس نور ايمانك وقت اضائته فى قلبك

عفوا لا(( ظروفك ولا المشاكل والاخطاء لغيرك ولا خوفك على محبيك او منع الضر عنهم) هى القاعدة التى تؤيد حرمانك وتقاعسك عن حلمك ؟؟؟؟؟;

 بل تقاعسك ... داخلى ... ذاتى .... منك انت نعم أنت وحدك من يضع هالة وأهمية لتلك الأشياء المعيقة من وجهة نظرك

لما لا تنظر لها نظرة ايجابية وتجعلها درجات السلم الذى تعتليه لتصل لطموحك .... تحقق حلمك ... ترقى بذاتك...

هكذا كان الرسل والصحابة

هكذا هم العظماء

وهذا مايستحقه الانسان

فحدد من انت ؟؟

انسان بحق ... من يريده الله خليفة فى الأرض

ام جسد فان وعمل بال وعمر خال

الايجابية هى التى جعلت رسالات الانبياء تنتشر رغم الظغاة و الكافرين

الايجابية هى التى حولت العالم من الظلام  فى الليل لأستخدام الكهرباء وانارته وقتما نشاء

الايجابية جعلت من عبور المانش ليس مستحيلا ... للأسوياء قبل  غيرهم

الايجابية هى التى جعلت من لا تسمع ولا تتكلم  من اعظم الكاتبات

الايجابية هى اعطت للحياة روحا وللعمل تحدى وللامل وجود

ايجابيتك = ثقتك بالله + ثقتك بنفسك + التحدى + التنفيذ + التفاؤل ..

وممكن تضيف للمعادلة المشاعر الايجابية المحركة ليك

كن ايجابيا ...... تتحقق أحلامك وترى رؤيتك رؤى العين

القاكم فى مقالة جديدة .... وطيقة جديدة للحياة بشكل أفضل

مروة زكريا

استشارى تدريب

==========================================

حينما تخطط لحياتك بسرور 15-3-2013

*الطاقة التى تنتج من السرور هى ايجابية مما يضفى على تخطيطك وكل ماتفكر فى انجازه بيومك انسيابية وترتيب بحب

**السرور اثناء تخطيط يومك يتيح لك المرونة الهادفة اى : لا تعصب ولا تذمر ولا ضيق اذا اختلف التخطيط  بعض الشيئ فمن اهم مميزاته المرونة والقصة ليست فى العائق بل فى تعاملنا معه ..

*** سرورك وايجابيتك هى عدوى ايجابية تنقلها دون ان تشعر لمن حولك فاشعر بها تنقلها اسرع وأعمق , ازرع فيهم الابتسامة والايجابية فى كل خطوة تخطوها..

****يااااااااااااااااااااه انتهى يومى الحمد لله كما خططت له واحسن بامر الله ودة عشان يقينى فى الله وبالله وتوفيقه ليا باحساس السعادة والسرور ايلى تخلل يومى واعطانى القوة لاستكماله مهما كانت التحديات ...

**** ودى البداية ليومك حط نهايتها وانت بتخطط وتبتدى وكانك شايفها وانت سعيد              
   ............      ومحقق كل امانيك ..............................

                                       انتظرونى بكتابات جديدة

     

مروة زكريا

استشارى التدريب

  
================================================




للحياة بشكل أفضل تعلم ...( 2 )  الحب

Hope2life


كلنا عايشين العصر الحديث عصر المعلومات عصر السرعة وايلى بعتبر فيه ان المال هو القوة هو اداة السيطرة ,وان الحياة الصاخبة والمزدحمة هى علامة للنجاح , وتعتبر المشاعر والحب اشياء واهنة وتافهة .....
هنا بحذركم احنا كدة بالصفات دى بنميل للانحدار بأنفسنا للتقوقع والعيش فى هذه الحالة ماتسمى( العصر الحديث ) ... وللخروج من الحالة دى لازم نتدرب على ان النجاح والقوة لازمهم مشاعر حب وانهم فى الحب طب ازاى نحقق المعادلة تعالوا معايا نعرف ايه ايلى ممكن نعمله ونتدرب عليه ويساعدنا على تعلم الحب والتعمق فيه. عشان نقدر نعيش حياتنا بشكل أفضل ......

*امنح لنفسك الفرصة لتحب :

لازم نعرف ان القوة الحقيقية تكمن فى" قوة الحب " ودة كان واضح جدا فى سير الكثير من الفلاسفة والانبياء العظام أمثال : نبى الله عيسى وخاتم المرسلين محمد صلى الله عليه وسلم والفيلسوف بوذ ا وكونفشيوس , واعرف ان ذكرى الجيوش الجرارة والزعماء الدنيويين ايلى عاصروهم وحاربوهم ولت ومفضلش غير ذكرى الأرواح العظيمة ايلى حاربتهم بقوة الحب , وايلى مازالت للان تفوح رائحتها داخل العديد من أرواح البشر وبيتعلموا منها.  (واحنا كمان لازم نتعلم منهم اننا نمنح نفسنا الحب ونستمد قوته.)

*عبر عن حــزنك

فى زمانا دة زى ما التعبير عن الحب والمشاعر ضعف فالتعبير عن الحزن بردوا يعتبر ضعف مش كدة ؟؟؟   نموت بقى عشان التعبير عن المشاعر ايا كانت ضعف ....  هقولك حاجة ان التعبير عن الحزن يعتبر علامة قوة لاننا بشر وبنشعر بالالم لان دة الطبيعى وكتمان المشاعر والالم دة شيئ مرضى وخطيرواضراره اكتر بكتير ..  نصيحتى ليك اصرخ اوى بعلو الصوت   (ومن أفضل طرق التعبير عن الحزن والالم هى الكتابة  , للتعبير عن المك وحزنك , وايلى هتساعدك فى الاستمرار للاستمتاع بالحياة بكل صفاحتها والاستفادة منها )

*انتبه لمعاناة الاخرين

خد بالك كدة هتلاقى ان كل مابنكبر ف العمر كل ما تجارب الحزن والالم بتزيد فى حياتنا مش كدة ؟؟  طب هو انت لوحدك ايلى بتمر بالحزن والالم ؟ طب الناس ايلى مروا بتجارب الم وحزن عايشين حياتهم والا انغلقوا على احزانهم وزهدوا الحياة ؟؟
لما تركز فى معانا الاخرين هتلاقى ان لكل واحد فيهم مأساة وا تجربة حزينة وهتندهش لما تشوفه انه تجاوزها بالحب والايمان .( يبقى كدة احنا بنزود من قدرة المحرك لقوة الحب بالتعاطف مع الاخرين ومع معاناتهم ).


افهم معاناتك الخاصة

لما بنتعرض لمشكلة او تجربة مؤلمة بنقول اشمعنى انا؟؟؟ دة حرام ؟؟؟ هو انا ناقص؟؟؟ ليه دايما حظى وحش ؟؟؟ ...........
بقولك ايه اهدى واسمعنى اولا مفيش حاجة اسمها حظ لان كل شيئ ربنا صنعه بقدر وبتدبر يعنى الكون ماشى بنظام  , وبعدين مانا قولتلك مش لوحدك ايلى عنده مشاكل , كلنا على سفينة واحدة  وكلنا بنمر بكل الطرق للسفينة ايلى مريت بيها لانك بتنتمى لمجتمع العالم , وافهم السبب من ألمك والجز الايجابى فيها واتعلم ازاى تحول الجزء السلبى لإيجابى بانك تعلم الاخرين ايلى استفدته من تجربتك واتعلم منه فى التجار الاخرى وبكدة تكون من الحكماء( لأنك انتفعت من تجاربك ومعرفتك )

*حب نفسك صح

((حب لأخيك ماتحبه لنفسك)) صدق رسول الله صلى الله عليه وسلم
يعنى اننا نحب نفسنا دة شيئ صحى ليه بقى لاننا لو معرفناش نحب نفسنا صح ونحترمها مش هنقدر نحب حد تانى صح ولا هنحترمه .. عند التعرض لمشكلة كثير مننا بيتقوقع داخله وينعزل ويهمل صحته  واعماله واقرانه وأهله وحياته وعمله ... كل التصرفات والسلوكيات السابقة بتدل على انك لاتحب نفسك ولا تحترمها . والصح اننا ( نستحضر كل قوة الحب لذواتنا واحترامنا ليها ونتعامل بيها مع احزاننا ومشاكلنا وآلمنا وبكدة هنتجاوز ها بعد ما نحرر عقولنا اواجسادنا بالحب )

*انشر كلمة الحب

اخر مرة قولت فيها لوالدك والدتك اصحابك اخواتك انك بتحبهم امتى ؟؟؟  تعالو تعلم اننا نقول كل يوم للى بنحبهم وكمان ننوع فى طريقة تعبيرنا عن الحب باقة زهور رسالة رقيقة على الموبايل انك تتامل والد والدتك بمحبة ومودة  (الكلمة اسرع وسيلة توصل بيها الحب )

*واجه اعدائك بالحب

تعالى معايا دقائق معدودة  فى مكان هادئ  واسترخ واستنشق الهواء وتخيل كدة اعز احبابك وتخيل مشاعرك لما تشوفه وافتكر روعة احساسك بيه واحساسه بيك اشكره على وجوده فى حياتك .. ممكن يكون شخص انت بتشوفه فى حياتك او شخص توفى المهم حالة الحب نفسها خليك على تواصل معاها لدقايق بتركيز , بعد كدة توجه بطاقة الحب دى لأقرب الاشخاص بيك وتعامل معهم بقوة الطاقة ايلى انت مشحون بيها وكمان اتعامل مع اشخاص حياديين فى حياتك يعنى ناس بتقابلهم فى المواصلات العمل السوق وابتسم وعاملهم بود هتلاقى الود والمحبة فيهم وهقولك كمان اعدائك خصومك  شخص طعنك فى ظهرك ,, شخص تعامل معك بطريقة غير لائقة , حاول انك تنظر لهم بحب لانهم زيك تماما عايزين مشاكلهم ومعاناتهم تنتهى وعايزين يحسوا بالسعادة  هتقولى صعب فعلا فى البداية صعب بس احنا هنا عشان نتدرب ونتعلم وننمى مهاراتنا فى التعامل مع كل مواقف الحياة واعرف ان ( الشخص المثالى هو الذى يستطيع ان يمنح نفس مشاعر الحب والاهتمام لكل الأشخاص )
 وعلى راى مارتن لوثر كينج (ان الحب هو القوة الوحيدة القادرة على تحويل العدو الى صديق)

الحب قوة عظيمة بداخلنا جميعا ولايكتشفها ويستخدمها الا من ااراد الاستمتاع بحياته وحب الآخرين

اشوفكم المرة الجاية عشان نتعلم ازاى نعيش حياتنا بشكال أفضل

مروة زكريا
استشارى تدريب

==================================

مـــراكــز الــطــاقــة فــي الجــــســم

يوجد في جسم الإنسان 7 مراكز للطاقة أو " الشكرات" كما تسمى بلغة مختصين في العلاج

بالطاقة تبدأ من قمة الرأس إلى أسفل العمود الفقري

 -1مركز التاج:

تقع في قمة الرأس منطقة أعلى الخ والعين اليمنى وهذا المركز يسمى مركز التحكم منه يتم تفريغ الطاقة السالبة......والعلاج بالطاقة في هذا المركز سيمح بالتخلص من الصداع النصفي وعلاج العديد من الإمراض النفسية كالعزلة والعيش بلا هدف وفقدان الثقة في النفس وعدم القدرة على مواجهة الآخرين ،ويستغل هذا المركز في الرقية الشرعية لعلاج الكثير من الأمراض.

 -2 مركز العين الثالث الناصية:

يقع بين الحاجبين والغدة الصنوبرية والعلاج بالطاقة يخص الغدة النخامية والعين اليسرى والأذ نين والمخيخ والجهاز العصبي المركزي وعندما تكون الطاقة الإيجابية فيه كثيرة يكون الإنسان واثقا من نفسه ،هادئا في تفكيره ولديه مهارات عقلية وإبداعية خارقة للعادة.

 - 3 مركز الحلق:

يقع في أعلى القبة ويسمح هذا المركز بالتواصل مع الآخرين والقدرة على الإبداع ويتحكم في الغدة الدرقية والعنق والأذنين والقصبة الهوائية والشعب الهوائية وأعلى الرئتين.

 -4 مركز القلب:

يقع مقابلا للقلب ويتحكم في نظام المناعة والفصوص السفلى من الرئتين ونظام الدورة الدموية وله علاقة بجميع مراكز الطاقة في الجسم.

 -5 مركز الظفيرة الشمسية:

يقع أعلى البطن فوق الصرة ويتحكم في قوة الشخصية، وبعد البطارية الروحية التي تصل بين العقل والعواطف وتوفر الطاقة الإيجابية بمنحة القدرة على تحويل السلبية إلى الإيجابية.
وهو مركز إنتاج الأنسولين ، وتركيز الطاقة الإيجابية على مستواه يساعد على القضاء على أمرض الجهاز الهضمي وإضرابات الامتصاص.

 - 6 مركز الطحال :

يقع تحت الصرة ويتحكم في إفراز هرمون الأدرنالين ، والنور للأدرنالين يتحكم في القدرة الجنسية والعواطف الإيجابية والسلبية ،هذا ماتؤهله لأن يكون ميزانا للتحكم في الطاقة الإيجابية والسلبية.

- 7  مركز الكوندالين:

وهو مركز القاعدة يقع أسفل العمود الفقري وهو المسؤول على طاقة العمل ومحور المعرفة ، هذا المركز يسمح للإنسان بالتحكم في جسده وتصرفاته ووظائف الأعضاء الداخلية ونبضات القلب.

  إعـــداد

مروة زكريا

Hope2life

استشارى التدريب       

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

للحياة بشكل أفضل تعلم ...( 1 )  الحــســم

Hope2life

نفسك تاخد قرار ومتندمش عليه بعد كدة .....نفسك تحدد علاقتك بشخص معين ومش عارف؟؟

نفسك إن إيلى قدامك يعرف إنك جااااد جدا فى الموضوع ايلى بتاقشه معاه .... نفسك لما تاخد موقف تتحمل نتيجته للنهاية...  على فكرة كلنا كدة كلنا عايزين نكون زيك ...

ازاى نوصل كلنا لحالة التصرف بحسم , التفكير بحسم , التعامل بحسم  تعالى معايا انا وانت نتعلم العشر صفات الأساسية للسلوك الحاسم .. جاهز خد نفس عميق وإبدء العد :

واحد ..التعبير عن الذات ::

سلوكك لازم دايما يعبر عنك واحساسك لازم يوصل للى قدامك عشان يقدر يحدد تقبلك وورؤيتك للموضوع   يعنى متفاجئش ايلى قدامك وتتصرف تصرف عكس ايلى ظهرت بيه.

احترام حقوق الآخرين::

متحاولش تفرض رأيك ووجهة نظرك  وتقلل من آراء الآخرين  , لازم تحترم آرائهم عشان يحترموا آرائك .

ثلاثة ..الصدق و الصراحة ::

اااااااه ودى بقى أهم صفة لييييييييه ؟

عشان الصدق ينجى ... بمعنى خليك صريح مع نفسك الأول قبل ما تطلب الصدق من الآخرين فى مناقشتك معاهم .

أربعة .. الحزم ::

أوباا انت صادق وصريح فى موقفك وكلامك يبقى لازم تكون حازم فى التعبير وفى تنفيذ موقفك طالما انت متاكد منه اوى .

خمسة.. المساواة ::

خليك حقانى وعادل فى طرح وتناول وجهات النظر وكمان تصرفاتك تكون منصفة  , وبلاش الحكم بعاطفية اوى  فى تلقى المناقشات وعرضها ..

ستة.. شفهية السلوك  ::

 يعنى كلامك يكون مساوى لتصرفاتك ومشاعرك وآرائك طلباتك وكمان حدودك اثناء السلوك.

سبعة .. سلوك غير شفهى ::

 بقصد هنا أسلوب عرض الرسالة ودة بقى ايلى بنسميه الحركات وهى كثيرة زى حركة واتصال العين , الصوت ., والإشارات , والتوقيت , والسلاسة ,وكمان حسن الإنصات.

ثمانية..مناسبة السلوك::

يعنى السلوك ايلى هتتخذه فى موقف يكون مناسب ليه مش بالضرورة يناسب مواقف كتير

وكمان يناسب الطرف التانى عشان يقدر يستوعبه منك .

 تسعة .. سلوك مسئول اجتماعيا ::

بص بقى لازم تبقى عارف ان سلوكك دة انت مسئول عنه , هتتحمل نتيجته ايلى انت اصلا عايز توصلها وكمان هتتحمل النقد ليه وهتدافع عنه.

هنا بقى هتيجى وتقولى طيب نفترض ان انا سلوكى فيه خمس او ستة صفات بس عشان يتصف بالحسم والباقى مش موجود هقوللك هنا بقى يجى دور

 الصفة العاشرة للسلوك.. وهى انه يكتسب بالتعلم ::

عشان يتصف سلوكك بالحسم لازم تدرب على صفاته عشان انت مش من يوم وليلة هتكون حاسم الحاسم ولازم تدرب على الصفات  ايلى موجودة فيك بالفعل وتكتسب الصفات ايلى مش متواجدة فيك  واعرف ان اصرارك هو الدافع ايلى هيوصلك وهيخليك حاسم الحاسم.

كدة انا كلامى خلص واستنونى المقالة الجاية ومعلومة هتخلى حياتنا احلى .

مروة زكريا

Hope2life

استشارى تدريب